കെയ്റോ: ഫലസ്തീനില്‍ സഖ്യസര്‍ക്കാര്‍ രൂപവത്കരിക്കുന്നതിനുള്ള അനുരഞ്ജന ചര്‍ച്ച കെയ്റോയില്‍ പുരോഗമിക്കുന്നു. ചര്‍ച്ചകളില്‍ കാര്യമായ പുരോഗതിയുണ്ടെന്ന് ഹമാസും ഫതഹും അറിയിച്ചു. ചില സുപ്രധാന കടമ്പകള്‍ തരണം ചെയ്തതായി ഫലസ്തീന്‍ വൃത്തങ്ങള്‍ വെളിപ്പെടുത്തി. ഫലസ്തീന്‍ ജനതയുടെ ഐക്യദാഹത്തിന് ഉടന്‍ അറുതിയാകുമെന്ന് ബന്ധപ്പെട്ടവര്‍ പ്രത്യാശ പ്രകടിപ്പിച്ചു. രാജിവെച്ച സലാം ഫയ്യാദ് പ്രധാനമന്ത്രിയായി പുതിയ സര്‍ക്കാര്‍ വരുന്നതിനോടും മഹ് മൂദ് അബ്ബാസ് പ്രസിഡന്‍റ് സ്ഥാനത്ത് തുടരുന്നതിനോടും ഹമാസ് കടുത്ത വിയോജിപ്പ് പ്രകടിപ്പിച്ചു. രാഷ്ട്രീയ പരിചയമില്ലാത്ത ടെക്നോക്രാറ്റിനെ പ്രധാനമന്ത്രിയായി അവരോധിക്കുന്നത് അംഗീകരിക്കില്ലെന്നാണ് ഹമാസ് നിലപാട്. ഹമാസിന് പ്രധാനമന്ത്രി പദം നല്‍കുന്നതിനോട് ഫതഹും കടുത്ത വിയോജിപ്പറിയിച്ചു. പുതിയ പ്രധാനമന്ത്രിഒരു കക്ഷിയിലും പെടാത്ത സ്വതന്ത്ര വ്യക്തിത്വമായിരിക്കുമെന്ന് ഉറപ്പാണെന്ന് ചര്‍ച്ചയില്‍ പങ്കെടുക്കുന്ന ഫലസ്തീന്‍ വൃത്തങ്ങള്‍ അല്‍ജസീറ ചാനലിനോട് വെളിപ്പെടുത്തി.
ഈ സാഹചര്യത്തില്‍ ഗസ്സക്കാരനും സ്വതന്ത്രനുമായ ഡോ. യാസിര്‍ അല്‍വാദിയയുടെ നേതൃത്വത്തില്‍ സഖ്യസര്‍ക്കാര്‍ വരുമെന്നാണ് പ്രതീക്ഷ. ഹമാസിനും ഫതഹിനും സ്വീകാര്യനാണ് ഇന്‍ഡസ്ട്രിയല്‍ എഞ്ചിനീയറിംഗില്‍ ഡോക്ടറേറ്റുള്ള യാസിര്‍. ഫലസ്തീന്‍ സന്ദര്‍ശിച്ച അമേരിക്കന്‍, യൂറോപ്യന്‍ പ്രതിനിധിസംഘങ്ങള്‍ അദ്ദേഹവുമായി കൂടിക്കാഴ്ച നടത്തിയിരുന്നു. ഈജിപ്തിന്‍റെയും അറബ് ലീഗിന്‍റെയും മാധ്യസ്ഥതയില്‍ ഫലസ്തീനില്‍ അനുരഞ്ജനത്തിന്‍റെ പുതിയ പ്രഭാതം കാത്തിരിക്കുകയാണ് ഏറെക്കാലമായി ഫലസ്തീനികള്‍.
2003ല്‍ അമേരിക്കന്‍ സഖ്യസൈന്യത്തിന്‍റെ അധിനിവേശത്തെ തുടര്‍ന്ന് വിദേശസൈന്യം പിടികൂടിയ നൂറുകണക്കിന് ഇറാഖികളെയാണ് അബൂഗുറൈബില്‍ താമസിപ്പിച്ചിരുന്നത്. മനുഷ്യമനസാക്ഷിയെ ഞെട്ടിപ്പിച്ച മൃഗീയമായ പീഡനചിത്രങ്ങള്‍ പുറത്തുവന്നതോടെയാണ് ലോകത്തെങ്ങും അമേരിക്കയുടെ ഇറാഖ് അധിനിവേശത്തിനെതിരെ പ്രതിഷേധം അലയടിച്ചത്. അതിക്രൂരമായ ശാരീരിക മാനസിക പീഡനമുറകളാണ് അമേരിക്കന്‍ സൈനികര്‍ ഇറാഖി തടവുകാര്‍ക്കെതിരെ പ്രയോഗിച്ചത്. മര്‍ദനത്തിന്‍റെ ചിത്രങ്ങളെടുത്ത് പ്രചരിപ്പിച്ചതും അതില്‍ ആനന്ദം കണ്ടെത്തിയതും അമേരിക്കന്‍ പട്ടാളക്കാരായിരുന്നു. ആ സംഭവങ്ങളെ തുടര്‍ന്ന് അബൂഗുറൈബ് സ്ഥിതി ചെയ്യുന്ന പ്രദേശത്ത് പോരാട്ടം ശക്തമായി. പോരാളികളുടെ ശക്തമായ ആക്രമണങ്ങളെ തുടര്‍ന്ന് 2006ല്‍ അബൂഗുറൈബ് അടച്ചുപൂട്ടാന്‍ അമേരിക്ക തയാറായി. 
ലിബര്‍മാന്‍
