Thursday, February 5, 2009
സ്വീഡനില്‍ ഇസ്രായേലി അംബാസഡര്‍ക്ക് ചെരിപ്പേറ്
സ്റ്റോക്ക് ഹോം: അധിനിവേശശക്തികള്‍ക്ക് നേരെയുള്ള പ്രതിഷേധത്തിന്‍റെ പ്രതീകമായി ചെരുപ്പേറ് വ്യാപകമാകുന്നു. സ്വീഡനിലെ ഇസ്രായേല്‍ അംബാസഡര്‍ ബെന്നി ഡാഗനാണ് ഏറ്റവുമവസാനം ചെരിപ്പേറ് നേരിട്ടത്. ചൊവ്വാഴ്ച സ്റ്റോക്ക് ഹോമില്‍ ഇസ്രായേല്‍ തെരഞ്ഞെടുപ്പ് സംബന്ധിച്ച പരിപാടിയില്‍ സംസാരിക്കവെ ഏതാനും യുവാക്കള്‍ ഷൂവെറിയുകയായിരുന്നു. രണ്ട് പേരെ സ്വീഡിഷ് പോലിസ് കസ്റ്റഡിയിലെടുത്തിട്ടുണ്ട്. ഗസ്സയില്‍ കിരാതമായ കൂട്ടക്കുരുതി നടത്തിയ ഇസ്രായേലിനെതിരെ പാശ്ചാത്യ ലോകത്തും പ്രതിഷേധം ശക്തമാണെന്ന് തെളിയിക്കുന്നതാണ് സംഭവമെന്ന് വിലയിരുത്തപ്പെടുന്നു. കഴിഞ്ഞ ഡിസംബര്‍ പതിനാലിന് ബഗ്ദാദില്‍ വിടവാങ്ങലിനെത്തിയ അമേരിക്കന്‍ പ്രസിഡന്‍റ് ജോര്‍ജ് ബുഷിന് നേരെ ഇറാഖി മാധ്യമ പ്രവര്‍ത്തകന്‍ മുന്‍തദിര്‍ അല്‍സെയ്ദി ഷൂ എറിഞ്ഞതോടെയാണ് പ്രതിഷേധ പ്രകടനത്തിന്‍റെ പ്രതീകമായി ഷൂ ഏറ് സ്ഥാനംപിടിക്കുന്നത്.
Subscribe to:
Post Comments (Atom)
No comments:
Post a Comment