Thursday, February 12, 2009
വെടിനിര്‍ത്തല്‍ ചര്‍ച്ചക്ക് ഹമാസ് സംഘം കെയ്റോയില്‍
കെയ്റോ: ഇസ്രായേലുമായി ഈജിപ്തിന്‍റെ മാധ്യസ്ഥതയില്‍ വെടിനിര്‍ത്തല്‍ ചര്‍ച്ചകള്‍ക്കായി ഹമാസ് പ്രതിനിധി സംഘം കെയ്റോയിലെത്തി. മുതിര്‍ന്ന നേതാവും ഹമാസ് സര്‍ക്കാരിന്‍റെ വിദേശകാര്യമന്ത്രിയുമായ മഹ് മൂദ് സഹാര്‍, പോളിറ്റ് ബ്യൂറോ ഉപമേധാവി മൂസാ അബൂമര്‍സൂഖ്, പി.ബി അംഗങ്ങളായ ഇമാദ് അല്‍അലമി, മുഹമ്മദ് നസ്ര്‍, ത്വാഹിര്‍ അല്‍നൂനൂ എന്നിവരാണ് സംഘത്തിലുള്ളത്. ദമസ്കസില്‍ നിന്നാണ് പ്രതിനിധികള്‍ ഇവിടെയെത്തിയത്. ഇന്ന്(വ്യാഴാഴ്ച) ഈജിപ്ത് ഇന്‍റലിജന്‍സ് മേധാവി ഉമര്‍ സുലൈമാനുമായുള്ള കൂടിക്കാഴ്ചയില്‍ വെടിനിര്‍ത്തല്‍ സംബന്ധിച്ച ഹമാസിന്‍റെ നിലപാടും വ്യവസ്ഥകളും അറിയിക്കുമെന്നാണ് കരുതുന്നത്. വെടിനിര്‍ത്തല്‍ വ്യവസ്ഥകള്‍ സംബന്ധമായി ഹമാസ് ഉന്നയിച്ച സംശയങ്ങള്‍ക്കുള്ള ഇസ്രായേലിന്‍റെ വിശദീകരണം സുലൈമാന്‍ സംഘത്തെ ധരിപ്പിക്കുമെന്നാണ് റിപ്പോര്‍ട്ട്.
Subscribe to:
Post Comments (Atom)
No comments:
Post a Comment