റോം: യേശുക്രിസ്തുവിനെയും കന്യാമര്‍യമിനെയും പരിഹസിച്ച ഇസ്രായേല്‍ ടിവി ചാനല്‍ ടെന്‍ അവതാരകന്‍റെ നടപടിയില്‍ വത്തിക്കാന്‍ ഔദ്യോഗികമായി പ്രതിഷേധമറിയിച്ചു. ചാനല്‍ നടപടി ശത്രുതാപരവും ഹീനവും ക്രിസ്തുമത വിശ്വാസികളുടെ വികാരത്തെ വ്രണപ്പെടുത്തുന്നതുമാണെന്ന് വത്തിക്കാന്‍ ഇസ്രായേല്‍ സര്‍ക്കാരിന് നല്‍കിയ പ്രതിഷേധക്കുറിപ്പില്‍ പറഞ്ഞു. ഇതെതുടര്‍ന്ന് ഇസ്രായേല്‍ പരിപാടിയുടെ അവസാന എപിസോഡ് സംപ്രേഷണം റദ്ദാക്കുകയും പരിപാടിയുടെ ഇലക്ട്രോണിക് പതിപ്പില്‍ നിന്ന് മതനിന്ദാ ഭാഗം നീക്കുകയും ചെയ്തു.
ലിയോര്‍ ഷ്ലൈന്‍
അവതാരകന്‍റെ മതനിന്ദാ പരാമര്‍ശങ്ങളെ തുടര്‍ന്ന് നിര്‍ദിഷ്ട ഇസ്രായേല്‍ സന്ദര്‍ശനം മാറ്റിവെക്കണമെന്ന് ഇസ്രായേലിലെ ക്രിസ്ത്യന്‍ സമൂഹം പോപ്പ് ബെനഡിക്ട് പതിനാറാമനോട് അഭ്യര്‍ഥിച്ചിരുന്നു. ജെറൂസലമിലെ ക്രിസ്ത്യാനികളും മുസ്ലിംകളും വിവാദ അവതാരകന്‍ ലിയോര്‍ ഷ്ലൈനിനെ പിരിച്ചുവിടണമെന്നാവശ്യപ്പെട്ട് പ്രതിഷേധ പ്രകടനങ്ങള്‍ നടത്തുകയും ചെയ്തു. യേശുക്രിസ്തുവിന്‍റെ അമാനുഷികസിദ്ധികളെ തള്ളിപ്പറയുകയും നിന്ദിക്കുകയും ചെയ്യുന്നതായിരുന്നു അവതാരകന്‍റെ പരാമര്‍ശങ്ങള്‍.
No comments:
Post a Comment