ഗസ്സ ആക്രമണത്തില്‍ പ്രതിഷേധിച്ച് മൗറിത്താനിയയില്‍ നടന്ന പ്രതിഷേധ പരിപാടികളിലൊന്ന് (ഫയല്‍ ചിത്രം)നവാക്ഷൂത്: ഇസ്രായേലുമായുള്ള നയതന്ത്ര ബന്ധം വിച്ഛേദിച്ച ഉത്തരാഫ്രിക്കന്‍ മുസ്ലിം രാജ്യമായ മൗറിത്താനിയ ഇസ്രായേലിന്‍റെ എംബസി അടച്ചുപൂട്ടി. എംബസി ഉദ്യോഗസ്ഥരോട് 48 മണിക്കൂറിനകം രാജ്യം വിടാന്‍ ആവശ്യപ്പെട്ടിട്ടുണ്ട്. ഫലസ്തീനിലെ ഗസ്സ മുനമ്പില്‍ ആയിരത്തിമുന്നൂറിലേറെ പേരെ കൊന്നൊടുക്കിയ ഇസ്രായേലിന്‍റെ ആക്രമണത്തെ തുടര്‍ന്ന് ദോഹയില്‍ ചേര്‍ന്ന അടിയന്തര ഗസ്സ ഉച്ചകോടിയിലാണ് മൗറിത്താനിയ ഇസ്രായേല്‍ ബന്ധം വിഛേദിക്കാന്‍ തീരുമാനിച്ചത്. ഇസ്രായേലുമായുള്ള വ്യാപാരബന്ധം വിഛേദിക്കാന്‍ ഖത്തറും തീരുമാനിച്ചിരുന്നു. ഇപ്പോള്‍ ഈജിപ്തും ജോര്‍ദാനും മാത്രമാണ് ഇസ്രായേലുമായി നയതന്ത്രബന്ധം പുലര്‍ത്തുന്ന മുസ്ലിം രാഷ്ട്രങ്ങള്‍.
എംബസി അടക്കാന്‍ തീരുമാനമായതായും അംബാസഡര്‍ അവധിയിലാണെന്നും എംബസി അധികൃതര്‍ അറിയിച്ചു.
No comments:
Post a Comment