മുന്‍തദര്‍ സെയ്ദിയുടെ ഫോട്ടോയുമായി കുടുംബാംഗംബഗ്ദാദ്: ബുഷിന് നേരെ ഷൂ എറിഞ്ഞ മുന്‍തദര്‍ സെയ്ദിയെ കുറിച്ച് അഭിമാനം കൊള്ളുകയാണ് അദ്ദേഹത്തിന്‍റെ കുടുംബം. ലക്ഷക്കണക്കിന് ഇറാഖികള്‍ ആഗ്രഹിക്കുന്നതാണ് അവന്‍ ചെയ്തതെന്ന് മൂത്തസഹോദരന്‍ ഉദയ്യ് അല്‍സെയ്ദി പറയുന്നു. ദൈവത്തിന് സ്തുതി, ഇന്ന് ഇറാഖികള്‍ തലയുയര്‍ത്തി. ഞങ്ങളുടെ നാടിനെ ചുട്ടുചാമ്പലാക്കിയ, ലക്ഷങ്ങളെ നിരാലംബരാക്കിയ ബിഷിനെതിരെ അവന്‍ ധീരത കാട്ടി. ഇത് ഇറാഖികളുടെ മനം കുളിര്‍പ്പിക്കുന്നു, ആവേശഭരിതരാക്കുന്നു. ഞങ്ങള്‍ പൂക്കള്‍ കൊണ്ട് അമേരിക്കയെ എതിരേറ്റെന്ന് ആരോപിച്ചവരുണ്ടായിരുന്നു. ഞങ്ങള്‍ സാധാരണ ഇറാഖികള്‍ അധിനിവേശകനെയോ അധിനിവേശ നിയമങ്ങളെയോ വകവെക്കില്ലെന്ന് ഇപ്പോഴെങ്കിലും ലോകമറിയട്ടെ- ഉദയ്യ് തുടര്‍ന്നു.
ബുഷിനെ വെല്ലുവിളിക്കാന്‍ ധൈര്യം കാട്ടിയ മുന്‍തദര്‍ യഥാര്‍ത്ഥ ഹീറോയാണെന്ന് സഹോദരി ഉമ്മു ഫിറാസ് പറഞ്ഞു. അവന്‍ ധീരനാണ്. ദൈവം അവനെ രക്ഷിക്കും- അവര്‍ കൂട്ടിച്ചേര്‍ത്തു. അതേസമയം സെയ്ദിയുടെ ഭാവിയെ കുറിച്ച് ആശങ്കയിലാണ് കുടുംബം. ഇറാഖി സുരക്ഷാ വിഭാഗം അവന്‍റെ ജീവന്‍ അപകടപ്പെടുത്തുമെന്ന് ഭയപ്പെടുന്നതായി കുടുംബാംഗങ്ങള്‍ പറഞ്ഞു.
1 comment:
" കൊടുത്താല്‍ കൊല്ലത്തും കിട്ടും "
-പെണ്‍കൊടി...
Post a Comment