ഗസ്സ: ശനിയാഴ്ച ഗസ്സയില്‍ ഇസ്രായേല്‍ വ്യോമാക്രമണത്തില്‍ കൊല്ലപ്പെട്ടവരുടെ എണ്ണം 225 ആയതായി ആശുപത്രി വൃത്തങ്ങളെ ഉദ്ധരിച്ച് വാര്‍ത്താ ഏജന്‍സികള്‍ റിപ്പോര്‍ട്ട് ചെയ്യുന്നു. പരിക്കേറ്റവരുടെ എണ്ണം എഴുന്നൂറ് കവിഞ്ഞിട്ടുണ്ട്. പരിക്കേറ്റവരെ കൊണ്ട് ആശുപത്രികള്‍ നിറഞ്ഞുകവിഞ്ഞിരിക്കുകയാണ്. ആര്‍ക്കും മതിയായ ശുശ്രൂഷ നല്‍കാനുള്ള അവസ്ഥയല്ല ഗസ്സയിലേത്.
അതിനിടെ റഫാ അതിര്‍ത്തി തുറന്നു കൊടുക്കാനും പരിക്കേറ്റവര്‍ക്ക് ഈജിപ്ഷ്യന്‍ ആശുപത്രികളില്‍ ചികിത്സ നല്‍കാനും ഈജിപ്ത് പ്രസിഡന്‍റ് ഹുസ്നി മുബാറക് ഉത്തരവിട്ടു. കെയ്റോയിലെ ഇസ്രായേല്‍ പ്രതിനിധിയെ വിളിച്ചുവരുത്തി പ്രതിഷേധമറിയിക്കുകയും ചെയ്തിട്ടുണ്ട്.
No comments:
Post a Comment