Tuesday, April 15, 2008

ഇറാഖില്‍ സ്ഫോടനങ്ങളില്‍ 53 മരണം


ബഗ്ദാദ് : ഇറാഖില്‍ ഇന്നുണ്ടായ രണ്ട് ബോംബ് സ്ഫോടനങ്ങളില്‍ ചുരുങ്ങിയത് 53 പേര്‍ കൊല്ലപ്പെട്ടു. നൂറോളം പേര്‍ക്ക് പരിക്കേറ്റു. മരണ നിരക്കുയരാന്‍ സാധ്യതയുണ്ടെന്ന് ഇറാഖി പോലിസ് അറിയിച്ചു. വടക്കന്‍ ഇറാഖിലെ ബാഖൂബയിലും റമാദിയിലുമാണ് സ്ഫോടനമുണ്ടായത്. ബാഖൂബ കോടതി കെട്ടിടത്തിന് സമീപം കാര്‍ ബോംബ് സ്ഫോടനത്തില്‍ നാല്‍പതിലധികം പേര്‍ കൊല്ലപ്പെടുകയും എണ്‍പതോളം പേര്‍ക്ക് പരിക്കേല്‍ക്കുകയും ചെയ്തു. മൂന്ന് ബസുകളും പത്തോളം കടകളും സ്ഫോടനത്തില്‍ കത്തിനശിച്ചു. റമാദിയില്‍ ഹോട്ടലിനടുത്തുണ്ടായ ചാവേറ് സ്ഫോടനത്തില്‍ 13 ആളുകള്‍ കൊല്ലപ്പെടുകയും 14 പേര്‍ക്ക് പരിക്കേല്‍ക്കുകയും ചെയ്തതായി പോലിസ് അറിയിച്ചു. കൊല്ലപ്പെടുകയും പരിക്കേല്‍ക്കുകയും ചെയ്തവരില്‍ നിരവധി കുട്ടികളും സ്ത്രീകളുമുണ്ടെന്ന് ദൃക്സാക്ഷികള്‍ പറഞ്ഞു



അമേരിക്കന്‍ സൈന്യത്തിന്‍റെ ആക്രമണത്തില്‍ ഇന്നലെ ചുരുങ്ങിയത് ആറ് പോരാളികള്‍ കൊല്ലപ്പെട്ടു. ഇന്നലെ രണ്ട് അമേരിക്കന്‍ സൈനികര്‍ ഇറാഖില്‍ കൊല്ലപ്പെട്ടിരുന്നു


അതിനിടെ ബ്രിട്ടീഷ് സൈനികന്‍റെ ഇറാഖി വെടിയേറ്റ് അംഗവൈകല്യം സംഭവിച്ച ബാലികക്ക് നാല്‍പത് ലക്ഷം ഡോളര്‍ നഷ്ടപരിഹാരം നല്‍കുമെന്ന് ബ്രിട്ടന്‍ പ്രഖ്യാപിച്ചു


No comments: